Ljósaganga niður á Ráðhústorg á Akureyri á degi Sameinuðu þjóðanna
Zontaklúbbarnir á Akureyri tóku þátt í dagskrá og
ljósagöngu niður á Ráðhústorg í tilefni af lokadegi 16 daga átaks gegn kynbundnu ofbeldi og mannréttindadegi Sameinuðu
þjóðanna þann 10. desember.
Safnast var saman í Kvosinni í húsnæði Menntaskólans á Akureyri
þar sem Kristín Ástgeirsdóttir framkvæmdastýra Jafnréttisstofu flutti erindi um kvennasáttmála Sameinuðu þjóðanna sem
nú er 30 ára. Sigrún Stefánsdóttir formaður félagsmálaráðs Akureyrarbæjar kynnti áætlun bæjarins gegn
heimilis- og kynbundnu ofbeldi, en Akureyri er í fararbroddi í þessum málum utan Reykjavíkur. Þórdís Elva Þorvaldsdóttir
höfundur bókarinnar Á mannamáli flutti eftirminnilegt erindi. Kveikjan að bókinni var hversu sláandi vægar refsingar hér hafa
tíðkast við kynferðisbrotum.
